文峰笔会 1010 原创 0 63 00000000-0000-0000-0000-000000000000 f16dde00-1623-4f84-b7ae-8cee6a001849 [上海闲话讲故事]《市井百态.开场白》 　　　　　　　　　　　上海闲话讲故事　市井百态（开场白）

　　讲法讲法，迭句闲话讲起来就要追溯到老里百早了。三个男小顽，三个女小人，迭格辰光还才来勒读小学，外加才是一只班级里读书格。三个男小顽，杭天健，仇观才，巫晓华，三个女小人，肖亮璧，林梧晴，竺莎茜，格几个人年龄才差勿多，顶多推板几个号头，当然因为月生大小，有人就可以讲我比侬大一岁。杭天健拉姆妈生伊格辰光，年龄已经老大了，为了安胎保胎，保胎药吃得多着点，生下来格辰光稍微有点脑缺氧，不过还好迭格辰光医生老负责任格，立刻抢救，总算唔没弄到脑瘫，不过总归有点智力受到损伤，伊拉爷娘老来得子，欢喜得勿得了，来勒屋里厢总归勿叫伊名字，叫伊个昵称“宝宝”，后来大家才晓得了伊格小名，有两个捣蛋鬼（音ju）就拨伊起了个绰号“憨（音gang）宝宝”，到后来就干脆唔没人叫伊格名字了，“憨宝宝”一直叫到现在；仇观才老家来勒江西，抗战格辰光一家门逃难逃到上海，到了伊生出来格辰光，也已经是第三代了，上海闲话发音，仇发成chou，而勿发qiu(裘)，再加小人发音更加勿准，弄法弄法就变成shou了，捣蛋鬼也拨伊起了个绰号，“寿棺材”几乎跟了伊一生一世；巫晓华是崇明人，捣蛋鬼根据崇明闲话发音，干脆拨伊格绰号就是“乌小蟹（音ha）”；肖亮璧得籽林梧晴两家头才是江苏人，偏偏得籽竺莎茜迭个宁波小娘来得格要好，竺莎茜勒老娘一口贼骨铁硬格宁波闲话，就拿肖亮璧叫成了宁波腔调格“小娘屄”，拿林梧晴叫成了“林无情”，后头来到了二十世纪八十年代，林梧晴格“林无情”又勿晓得哪能会事体，拨大家叫成了“拎勿清”，迭格就是后话了。不过宁波小娘竺莎茜格绰号还唔没啥好，因为伊本来就脾气勿好，邪气欢喜作，人家就叫伊“作煞死（音xi）”。

　　刚刚小学毕业，还唔没考中学，文化大革命开始了，根据就近入学的原则，伊拉六家头又统统到了一只中学里厢，虽然勿来勒一只班里，不过菩萨还勿要问格，伊拉额绰号铁定是跟了伊拉一道到中学里厢，到了三年中学混出世，要上班了，想勿到毛老伯伯一声号召，大家统统上山下乡，到外省农村去插队落户，迭格六家头有到黑龙江军垦里格，有到安徽讨饭呱子格家乡，凤阳花鼓个老家凤阳去插队格，还有到回到江西老家插队格“寿棺材”。来勒农村得籽黑龙江军垦里混了靠十年，1979年，伊拉六家头又先后搞病退，返回了上海。回到了上海，又唔没啥个好工作等勒伊拉，最后才只好到街道里格集体企业混口饭吃。总而言之，伊拉迭六个人，好像每桩倒霉事体才碰到，生活得邪气勿如意，直到一个外头人加入伊拉格圈子，生活才开始有点变化，迭个外头人，就是毛西抗。毛西抗勒阿爷是当年山西青抗先格积极分子，伊拉爷娘生伊格辰光，阿爷起格名字，为了纪念自家当年参加山西青抗先，就拨伊起格名字叫毛西抗。上海人格捣蛋鬼到啥辰光才死勿光格，好事者就拨伊起了个绰号叫“茅屎坑”。

　　好了，几个主要角色格来龙去脉才交代清爽了，不过伊拉格市井故事还只有刚刚开始，大家拿耳朵汰汰清爽，好好叫听偶讲下去，勿想听格，拿耳朵捂起来，勿想看格，拿眼睛蒙起来，接下来开讲。
 1010 君临天下 1230325 2009-09-22 19:52:43 144 2 2 2 1 1 186 君临天下 f16dde00-1623-4f84-b7ae-8cee6a001849 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 22254 09-09-22 1 63 f16dde00-1623-4f84-b7ae-8cee6a001849 8138d022-a87e-4fe6-b155-e3f7fd48bfc0 快速回复 看了侬格开场白，锣鼓家生先咚咚锵锵拷起来，阿拉头颈伸长仔听侬好戏后头来~~~胃口吊足。
请侬惯点周立波格派头，再开两句蔡嘎亮格苏北闲话。哈哈~~~小三子、小六子拖仔格鼻涕来哉。。。

 1010 湖州苕溪客 1467210 2009-09-23 18:57:28 144 2 2 2 1 0 186 君临天下 f16dde00-1623-4f84-b7ae-8cee6a001849 3 07-08-06 大学三年级 0 1232 09-09-23 1 63 8138d022-a87e-4fe6-b155-e3f7fd48bfc0 5343828e-bddc-4f44-b1ff-7e17d3be9d0a Re：快速回复
看了侬格开场白，锣鼓家生先咚咚锵锵拷起来，阿拉头颈伸长仔听侬好戏后头来~~~胃口吊足。
请侬惯点周立波格派头，再开两句蔡嘎亮格苏北闲话。哈哈~~~小三子、小六子拖仔格鼻涕来哉。。。



呵呵，苕溪客老兄，偶肯定唔没周立波格派头——因为写出来格帖子只好看，勿好听，而周立波格派头是身体语言得籽口头语言一道营造出来格。至于来几句蔡嘎亮格苏北闲话末，迭个肯定是题中应有之义，等勒接下来看伐！哈哈！！
 1010 君临天下 1230325 2009-09-23 19:55:09 144 2 2 2 2 0 186 君临天下 f16dde00-1623-4f84-b7ae-8cee6a001849 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 22270 09-09-23 1 63 f16dde00-1623-4f84-b7ae-8cee6a001849 695221aa-3af2-4925-b9b2-faab5acbac69 快速回复 　　　　　　　　　　　上海闲话讲故事　市井百态（一）

　　巫晓华得籽林梧晴啥辰光走到一道去，组建起一个家庭格，现在已经有点讲勿清爽了，根据坊间格传说，好像大概是林梧晴一句闲话先引起来格，后来大家好事者越来越多，哄大卵泡哄法哄法就哄到一道去了。还原当时格情况，下头格段对话大概可以讲明问题症结了。

　　“小蟹（音ha），侬帮我拿格面一把老虎钳拿拿拨我好伐？”林梧晴讲；
　　“好额呀！不过要收劳务费额噢！”巫晓华回答。
　　“喔唷，现在勿对来！哪能叫起名字来勿带姓，叫起绰号来还勿带姓了啦？来来来，讲讲清爽，捺哪能回事体？啥辰光关系变得噶密切啦？老实交代！”车间里一个瓮鼻头朋友先开起玩笑来。
　　“劳务费哪能收？是欠了嗨还是现开销？假使讲欠了嗨，阿拉勿表示意见，现开销末，格末来打只开司好伐，便宜侬了噢，乌小蟹！哈哈哈哈！”另外一个老阿乌还老起劲格。
　　“哪亨？崇明乌小蟹要讨内（音南）度（大）娘子了？小蟹讨镇江娘子，当心小蟹变成法海，白娘子来只水漫金山，捺末闹猛哉！”车间里格苏州度好佬王师傅来勒旁边猛撬边。
　　因为林梧晴是江苏镇江人，属蛇，五三年年底生格，比巫晓华大了几个号头（月），而上海本地人包括崇明人讨度娘子是有传统格，所以苏州度好佬要讲乌小蟹讨镇江内度娘子。

　　接下去大家一顿乱讲八讲，弄得伊拉两家头才面孔通通红，不过男大当婚，女大当嫁，伊拉两家头还确实到了应该谈婚论嫁格年龄，来勒农村混了靠十年，现在伊拉才已经廿七八岁了，面孔红归红，心里厢大概还有点痒兮兮格，再讲迭格辰光大家格屋里厢经济条件才差勿多格，既勿是穷得来嗒嗒滴，还唔没富得来潽出来，拨大家格能样子七哄八哄，最后伊拉两家头还就糊里糊涂做成了夫妻，到底啥人先有情，啥人后有意，已经唔没人想去弄清爽了，总归觉得瞎弄八弄弄成功一对夫妻，要比做第三者拿人家一对夫妻拆散要好得邪气。就像现在格文艺界明星格能噶，今朝结婚明朝离婚，就像是弄白相，迭个辰光格能噶是邪气勿作兴格。

　　两家头成了夫妻，小日脚过得蛮乐胃，传统格女主内男主外，相敬如宾，虽然讲唔没红袖添香夜读书格能浪漫，但是举案齐眉，林梧晴倒是做得邪好，乌小蟹扎足面子，当然一面孔满足，来勒外头有辰光就象煞有介事掼起大男子主义的派头，扎起龙头虚台型，反正大家还晓得伊就迭眼眼花头，唔没人去戳穿伊，让伊自我感觉去好好了。结婚两年之后，生了个度胖妮子，蹲了崇明乡下格阿妈娘得籽老爹高兴得象拾到了金元宝，因为伊拉屋里厢四个妮子，除了伊迭个阿三头，另外三个结婚后才帮伊拉阿妈娘得籽老爹生了孙囡恩，统统勿姓巫，小蟹现在有了巫家门接香火格第三代，老人家还勿该兴奋得昏过去？想想当年就是为了拨乌小蟹顶替，伊拉爷才从集体企业提前退休，得籽老婆一道蹲回崇明乡下去格，现在有了孙子，勿要太开心噢！想来想起拨伊顶替唔没错，有了孙子比啥才要紧。

　　伊拉迭个度胖妮子虽然讲是80后，不过得籽大部分格80后勿大一样，因为当初屋里厢经济条件一般般，所以男小顽蛮懂事体格，勿但读书读得好，还蛮会做家务事体格，初中毕业后，考上了市重点高中，最后顺理成章格考进了重点大学，拨伊拉爷娘面孔上添了勿勿少少格光彩，来勒伊拉爷娘工作格只圈子里，绝对是头挑角色，勿关来勒里弄里还是来勒亲眷道里，拨伊拉爷娘讲起来，才是大拇指翘翘格，所以到了后来，乌小蟹得籽拎勿清只要一讲到小人格读书老啥事体，眼乌珠就直盯天花板，头鹤了半天高，骄傲得来邪气。当然格小赤佬还争气来交关，真格唔没拨伊拉爷娘丢份。改革开放之后，伊拉屋里厢格经济条件随了大气候格变化，还越来越好了。当然，迭个还要归功于邓伯伯格政策制定的好，虽然伊拉爷娘也因为集体企业格倒闭过了蛮长一段苦日脚，不过，茅屎坑加入到伊拉格只圈子，是伊拉屋里厢经济条件起翻天覆地变化格关键因素。
 1010 君临天下 1230325 2009-09-23 20:08:07 144 2 2 2 1 0 186 君临天下 f16dde00-1623-4f84-b7ae-8cee6a001849 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 22275 09-09-23 1 63 f16dde00-1623-4f84-b7ae-8cee6a001849 ff99ff08-3014-4067-b13a-4248000abdb1 快速回复 　　　　　　　　　　　　　上海闲话讲故事　市井百态（二）

　　“厂长得我讲，因为勿景气，阿拉迭爿厂生产格产品上勿了档次，卖勿出去；工资低，吸引勿了大学生得有水平格高级技工，还唔没办法从银行里贷款，升级加工工艺得籽机器设备，格能下去，早晚点要关塌格！”
　　“啥末事啊？好勿容易搞病退回到上海，刚刚过了几天太平苦日脚，又要敲脱饭碗头啦？”
　　“关脱顶好！格眼眼勒煞吊细格工资，每天倒要做死做活做靠十个钟头，我是老早就勿想做了，我就勿相信，活人还会拨尿憋煞塌！此处不留爷，自有爷去处，迭爿厂关脱，我就自由了，另外寻眼生活做做，凭老子伯伯手里迭把技术，到啥地方才有饭吃，一棵树上吊煞做啥？为迭个憨（音gang）卵厂长卖命，勿要太唔没名堂噢！”
　　“喔唷，算捺屋里厢经济条件好煞了！有勿有迭份工资对侬来讲勿算啥，阿拉是要等了伊开伙仓格，唔没迭眼眼勒煞吊细格工资，侬叫阿拉一家门喝西北风去啊？阿拉两家头才来勒格爿厂里做生活，厂假使讲关塌了，阿拉哪能办？”
　　“好办！厂关塌了，阿拉就算失业工人了，拿了伊失业救济金，自家弄一爿馄饨摊，日脚还比来勒厂里好过！”
　　“侬格就勿懂了伐！瞎讲八讲有啥讲头啦！失业工人？讲拨侬听，格叫下岗工人，啥个失业救济金？格叫下岗工资！还勿到现在工资格三分之一，真格厂关塌了，大家只好拿头颈吊起来，勿要讲吃粥了，每天喝喝白开水就蛮好了！”
　　“格末侬会得包馄饨，阿拉勿会哪能办？勿见得叫我背一只筐子到街廊厢拾垃圾卖铜钿？”
　　“现在勿是有交关企业要招商品推销员么？好像还唔没啥门槛，一般只要侬肯做，才好去应聘格！”
　　“侬先搞搞清爽！迭种嘎工作底薪低了吓煞人，要靠侬推销出去格商品抽提成，假使讲侬一个号头卖勿脱一定数量格推销商品，靠迭眼眼底薪侬还勿是要饿煞？”
　　“笃定！凭我迭张嘴巴，死人讲得伊活转来，还怕卖勿脱推销商品？勿敢讲每个号头提成几百上千，勿会比现在厂里格工资低，格是铁板上钉钉，逃还逃勿脱格！”
　　“唷唷唷！算侬樱桃会翻煞了！反正吹牛皮勿上税，侬试过啦？阿乌卵冒充金刚钻，侬当籽推销员噶好当啊？勿要三个号头下来，钞票唔没赚到，屋里厢格坑梓倒挖得差勿多了！”

　　自从传出集体厂要倒闭格消息后，厂里厢一时头人心惶惶，大家才对迭个情况唔啥思想准备。想想真是倒霉，要读书格辰光文化大革命勿读书，要工作了碰到上山下乡，农村蹲了靠十年，浑光一身，啥末事还唔没，搞病退两手空空回到上海，要工作唔没工作，要文化唔没文化，要文凭唔没文凭，要年龄优势唔没年龄优势，好勿容易进了街道集体厂，又碰到了改革阵痛，厂要倒闭，失业下岗，正是吃素碰着月度（大），屋漏偏遇连夜雨，霉啊！简直霉到了根！单单是自家倒霉倒还算了，连到自家老婆小人一道跟了倒霉。勿要讲唔没像像样样格衣着行头、像像样样格家什，屋里厢顶值铜钿格不过是一台12吋格黑白电视机，就连自家蹲格房子还唔没，一家门轧了老妈老爹格搭，老式石库门后厢房笔笃直格楼梯，里面还搭个阁楼，弟兄妯娌生活了一道，一块布帘隔隔开，就像七十二家房客格能，一早廊厢起来，马桶划掀“咵啦咵啦”，弄堂里厢生煤炉格柴爿烟熏得眼泪水嗒嗒滴，出门靠一部老坦克，除了铃勿响，其他啥地方才响，哐啷哐啷格，就像洋铁皮匠，迭个辰光差勿多交关人家才是格能噶一副腔调。大人苦点也就算了，小人正好要到读书年龄了，勿象伊拉爷娘读书格辰光，一学期学费书费加了一道才六七元，现在读只小学学费就要几十元，再加书簿费、活动费、饮水费、保险费、课间午餐费，迭个费伊个费格，一学期下来起码几百元，还没算上刚刚兴起的择校费。本来日脚就过得紧巴巴格，现在又要厂倒闭人下岗，乌小蟹们心里迭个叫挖煞啊！

　　大家七嘴八舌，有人喜欢有人忧，总格来讲，当然忧格人多，喜格人少，集体厂里格工人，又唔没几个是技术大拿，才唔没读过啥书，勿晓得厂里一旦真格倒闭，自家格出路到底来勒啊里搭。除了少数几个人，大家格两天面孔才是灰扑落拓格。
 1010 君临天下 1230325 2009-09-24 18:18:29 144 2 2 2 1 0 186 君临天下 f16dde00-1623-4f84-b7ae-8cee6a001849 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 22286 09-09-24 1 63 f16dde00-1623-4f84-b7ae-8cee6a001849 5a24a16a-71ad-4895-bb60-7ac4c356deed 快速回复 　　　　　　　　　　　上海闲话讲故事　市井百态（三）

　　“你们刚才在说什么？什么叫‘算侬樱桃会翻煞了？’什么意思？”毛西抗悄悄地向坐在他身边的仇观才发问。毛西抗是到集体厂里来陪他插队的插弟仇观才的，当年仇观才回到自己的家乡插队，毛西抗则是以XX省红卫兵XX军区司令部副指挥的身份，先于仇观才到江西插队的。当年，六七届的毛西抗已经拿到了省里某大型国营工矿企业的录用报到证，但报到日期是12月28日，不料毛老伯伯在当年12曰24日发出了“知识青年到农村去，接受贫下中农的再教育，很有必要”的最新指示，虽然时差只有四天，可报到证作废就成了天经地义的事了。作为那时何等狂热的红卫兵，十几岁的青少年孩子们对毛老伯伯的指示执行起来可是雷厉风行，不打任何折扣的，更别说毛西抗他爷爷，那山西老青抗先队员，后来的江西省革委会重要成员，也力主他放弃工矿报到，响应毛老伯伯的号召，到广阔天地去锻炼，再说了，毛西抗身为红卫兵军区负责人之一，放弃到工矿企业报到，带头上山下乡，对当时的知识青年上山下乡推动作用可是谁也没法代替的。他在江西插队时怎么和小他三四岁的仇观才成了莫逆之交，已经无从考究，但两个人被人说成是两身子一脑袋，四条腿一裤衩，可见关系确实好得不一般。
　　“那是上海人的一句俗话，形容那个人很会讲话，会磨嘴皮子，说话伶牙俐齿的意思。”仇观才也悄悄地回答了毛西抗。这会儿毛西抗是从江西南昌来到上海出差，顺便看望一下插弟，插兄插弟碰到一道，当然有得讲勿光的共同话题，回忆格闸门打开，就一发而收勿牢了。从插队辰光一道偷大田里格山芋，到一道掏房东屋檐下头格麻雀，从一天出满勤只好算六分工，迭个六分工满打满算还勿值一角洋钿，到搞病退回上海带回来格香樟木板敲起来格结婚家什，还有当时伊拉格帮情窦初开格小卵核子来勒街廊厢偷偷格看胸脯刚刚发育格小姑娘，评论伊拉啦里格好看啦里格难看，等等等等。格趟子到伊拉厂里厢来，还是仇观才讲“反正你没什么事，去看看我们那个破厂子”，盛邀之下才来的，到了厂里，就碰到了大家沸沸扬扬来勒谈厂子要倒闭格情况。
　　“那为什么嘴皮子被说成是‘樱桃’？会讲话就是会翻‘樱桃’？‘樱桃’一翻不就烂了吗？会翻‘樱桃’是不是烂嘴的意思？”
　　“那你就不知道了吧？中国以前不是有一句话形容美女吗？那叫‘樱桃樊素口，杨柳小蛮腰’，后来特指美女的樱桃小口就演变成上海话里的嘴巴了，樱桃会翻就指会磨嘴皮子会说话，没有烂嘴的意思。”
　　“士别三日，当刮目相看啊？你什么时候多了那些花花肠子？还樱桃樊素口，杨柳小蛮腰？找到那个樊素口小蛮腰的美女做老婆了吗？”
　　“美女？你看咱那个倒霉样，哪个美女肯跟我？换成霉女那还差不多！”
　　“那你打好的家具有什么用？时间长了，式样也落后了，不是白打了吗？”
　　“反正是白坯，还没有上油漆，再说，早晚这两年总归要解决个人问题的，一两年内不见得家具的样式会更新淘汰得这么快，上海现在购买结婚家具还要凭结婚证和家具票，有总比没有好，成套香樟木家具啊！那对一般人家来说还是有一定诱惑力的，虽然不能跟柳桉、水曲柳和柚木的成套家具比，不过保证放到里面去的衣物不会生蛀虫！”
　　“你倒是蛮有心机的啊！准备用一套自己打的家具骗个老婆？”
　　“比上不足，比下有余，有这套木工手艺，到时候总归饿不死，你说对不对？”
　　“说得到也是啊？要不要插兄我给你物色个对象？”
　　“行啦吧，谢您了哥嗨，你自己的老婆还在天上飞呢！”
　　“那还不是分分秒秒搞定？哥要想结婚，女孩就像蟋蟀，哥就像济公，抓一把摔三摔，挑一个好的！”
　　“哈哈，就吹吧您哪！”
 1010 君临天下 1230325 2009-09-25 19:59:56 144 2 2 2 1 0 186 君临天下 f16dde00-1623-4f84-b7ae-8cee6a001849 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 22302 09-09-25 1 63 f16dde00-1623-4f84-b7ae-8cee6a001849 f7550d3e-5b4b-4e48-b462-729db3d91f28 快速回复 　　　　　　　　　　　上海闲话讲故事　市井百态（四）

　　担忧也好，无所谓也罢，该来格总归要来格。传说了一段辰光后，厂子终于倒闭了，乌小蟹们一夜之间统统成了下岗工人。所谓树倒猢狲散，集体厂的工人们还是相当平静格接受了迭个既成事实，唔没啥人到厂里来闹，更加唔没人到街道或者本来厂格上级单位去闹，大概因为格点噶工人过去到农村受到格磨练、挫折远远比现在要煞根，对于格能样子的变化心理承受能力比人家要强，也或者伊拉老早听到厂子要倒闭格传闻，心里已经有了准备。反正街道里厢得籽厂里厢、原来厂格上级单位，才对格种出乎意料格平静觉得勿可思议，饭碗头一记头敲脱了，拿了格点点可怜巴巴格下岗工资，居然唔没人来闹，真是觉得额角头碰着天花板了，街道里得籽厂里厢感谢格点嘎工人通情达理格同时，有辰光心里还是有点过意勿去额。所以街道里得籽原来厂格上级单位还是比较积极格想办法，创造条件拨伊拉自寻出路。诚所谓虾有虾路，蟹有蟹路，总归天无绝人之路。伊拉迭批下岗工人百仙过海，各显神通，摆馄饨摊格，卖盒饭格，做小批发百货零卖额，摆修脚踏车摊头格，唔没多少辰光，大家才有了新格吃饭行当，格桩事体就格能噶平平静静格过去了。当然，厂里厢格下岗工人可能来勒心里厢拿格批厂领导得籽街道领导格祖宗十八代才骂得一佛出世二佛涅槃还讲勿定格。

　　上趟大家七嘴八舌讲得老起劲格要去做推销员格家伙，最后并唔没去做商品推销员，倒是肖亮璧，勿声勿响悄悄格去一家品牌服装连锁店应聘了推销员。老天爷实际上老公平格，格搭块关脱一扇门，扳定来勒伊搭块开好一扇窗，关键就看侬有勿有心向去寻到格扇窗。刚刚开始格辰光，肖亮璧根本勿懂的哪能嘎做生意，还勿晓得哪能嘎才能拿迭个品牌格服装推销出去，前头两三个号头基本是吃白板，除了一眼眼腥气百勒格底薪，啥个提成还拿勿到。好勒伊面孔还生了比较清爽相，条杆还蛮清，脑子还勿算太搭浆，所以三个号头之后，伊就稍微摸到点品牌服装推销格窍槛了。当伊第一趟拿到推销提成格三百多元格辰光，谈勿上兴奋，虽然讲来勒迭个辰光，三百元勿是一个小数目，但是伊勿但唔没开心，反而回到屋里厢大哭了一场。是对前阶段辛酸心情的宣泄，还是对终于走出困境的告慰？反正伊格哭声里是五味杂陈，一句闲话随便哪能才是讲勿清爽格。后来伊就越做越好，先是柜组长，再是领班，最后做到分店经理，还算是脱胎换骨，从小小老百姓做到了基层店格冒号，来勒伊拉格批下岗工人当中，算是混得老勿错格勒。

　　格天籽也叫是巧，伊拉迭爿店本来一向是卖男装格，但格天籽到了一批女装，是外转内销格，衬衫外套内衣才有，还有裤子得籽裙装，肖亮璧看到货色料子质地勿错，缝纫水平也蛮好，烫功煞挺，价钿也还适中，于是就想到了老底子厂里厢格小姐妹淘里，想拨伊拉还塌塌便宜货，就一只电话打到竺莎茜格搭，想勿到一记头来了交关人，除了老底子厂里厢格同事，还有现在伊拉各自工作地方格新朋友，十几个人一记头买脱几十件，当然咾，肖亮璧来勒伊格责权范围内尽可能拨伊拉打折便宜，伊还唔没想到，小姐妹淘里现在购买力有噶强，光光提成肖亮璧就可以提毛毛叫一千元，伊简直开心得要昏过去。不过还有点煞风景格事情，格就是竺莎茜一来就大呼小叫：“小娘屄！小娘屄！侬现在度（大）出来了末！做经理啦！今朝阿拉小姐妹淘里挑侬发财，夜里厢侬要请我吃饭咯哦！”肖亮璧一记头拨伊弄了只血出胡啦格面孔，侬想想看，平常辰光店里厢格营业员看到伊才毕恭毕敬，格记头拨伊拉晓得原来经理格绰号是“小娘屄”，心里才来勒暗好笑，但是又勿敢笑出来，摒法摒法，一只只才是嚓污（拉屎）面孔，勿晓得有多少尴尬。肖亮璧一面尴尬格笑，一面急匆匆格推竺莎茜朝外头跑，一到门外头，就拿伊耳朵皮一拎：“朋友侬得我帮帮里格忙好伐！格能噶大庭广众之间叫我小学里格绰号叫得嘎响，侬想让全世界才晓得我叫小娘屄啊？侬算扎我台型末还算坍我招势？苗头还勿轧轧，侬叫我今后来勒店里厢哪能做人？”竺莎茜像杀猪一样惨叫起来：“阿唷哇啦！耳朵拨侬叉下来勒！痛煞脱了！算我勿对，同志难为你，好了伐？我忘记脱了，侬现在是店里格冒号，勿是阿拉下乡插队辰光格小娘屄了！”肖亮璧松了手：“侬格小屄芯子就是作死（音xi）作煞，怪勿得人家要叫侬‘作煞死’，走到啦块作到啦块。好了，今勾晚上哦买单，啦勾地方你来定，不见不散！”

　　“好额呀！‘小旋风’披萨店，夜里六点钟！勿见勿散！”
 1010 君临天下 1230325 2009-09-26 07:56:38 144 2 2 2 1 0 186 君临天下 f16dde00-1623-4f84-b7ae-8cee6a001849 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 22322 09-09-26 1 63 f16dde00-1623-4f84-b7ae-8cee6a001849 9f8c178e-8ba6-4dc2-8438-68e0d177aaf1 快速回复 　　　　　　　　　　　上海闲话讲故事　市井百态（五）

　　提起杭天健，大概除了厂里厢格财务来勒发工资格辰光叫叫之外，其他辰光唔没人想得起来伊叫杭天健，大家才只晓得伊叫“憨（音gang）宝宝”，不过侬假使讲真当伊憨徒格闲话，弄得勿好侬自家倒是个真正格憨徒。
　　“伊憨？伊再勿憨来！啥个叫‘憨徒憨进勿憨出’侬懂伐？伊是廿七档格算盘，门槛精得九十六，啥人会拿银行格各档利息记得煞煞清？伊就做得到，捺做得到伐？装憨装到格能地步，伊是真人勿露相，做啦里桩事体伊才先盘算好格，捺啥人及得上伊？”迭个是伊拉师傅对伊格评价。
　　因为绰号叫憨宝宝，外头对伊勿了解格人，才当伊憨徒，因为名声在外，所以从来还唔没人想得伊介绍女朋友格，有一个好事者曾经想拿自家格弱智亲眷介绍拨伊，想勿到碰了一鼻头灰，憨宝宝只是冷笑笑，讲：“谢谢侬一家门！”勿要看伊憨嗒嗒一副腔调，伊讨老婆，走格是曲线救国道路。上海有段辰光郊区交交关关土地出让拨人家发展工商业仓储，被征了田格农民就自动获得了城镇户口，变成了城里人，憨宝宝就动了迭个脑筋。勿晓得伊通过啥路子，得籽一个郊区农村格女小囡搭上了关系，迭个女小囡还是屋里厢格独养囡恩，伊拉爷娘拿伊当成掌上明珠，勿想拨伊吃亏，所以廿六七岁还唔没出嫁，来勒农村里已经可以算是老姑娘了。不过侬还勿要讲，女小囡人倒是长得蛮漂亮咯，因为勿大做田里格生活，面孔还白白净净格，根本看勿出是农村女小囡。憨宝宝一眼就看中伊了。因为憨宝宝是城市户口，有一份企业工作格工资收入，虽然勿是啥国企，但是集体企业正式工人格身份，来勒农村女小囡面前还是可以蛮神抖抖格。迭个辰光上海市区得郊区通婚格情况还邪气少见，更加勿要讲憨宝宝愿意做倒插门女婿，女小囡勒爷娘还有啥好计较格呢？帮自家囡恩寻到一个上海城市工人格女婿，来勒当时辰光格农村里还是蛮有面子格！不过要讲憨宝宝精明，迭格辰光就显得老清爽了，因为迭个女小囡伊拉爷也姓杭！做倒插门女婿一眼勿吃亏，我可以讲生出来小囡跟女方姓格呀，其实还勿是一桩事体？啥人一笔写得出来两个杭？再讲了，憨宝宝勿晓得哪能会得晓得，伊拉女小囡所在生产队格块土地，早晚点要出让拨人家工矿企业，到辰光伊拉就成了征田民工，一家门才可以调成城镇户口，自家还勿会因为讨个乡下老婆拨人家耻笑。征田八字还唔没一撇格辰光，憨宝宝就得伊搭上了关系，好像谈恋爱还谈得蛮顺利，两家头感情蛮好。当风声传出来讲要征田了，憨宝宝生怕伊拉爷娘反悔，就先下手为强，有一趟得伊拉女小囡一道出去吃饭，劝伊喝了点酒，趁伊酒水懵懂昏昏然格机会，拿伊带到自家屋里厢，先做好了格桩事体，反正女小囡勒爷娘已经认可了伊拉两家头格事体，女小囡自家也有点半推半就，当成了事实夫妻，憨宝宝再也勿怕伊拉爷娘反悔了。
　　正式结婚格辰光，女小囡勒生产队格田已经拨人家一家跨国企业征脱了，伊拉一家门也就顺理成章格变成了城镇户口，作为对伊拉本来农村宅基地上造格私房格补偿，憨宝宝勒媳妇一家门一共分到田林新村三套两室一厅格新房子，勿要讲老两口衣食无忧，连得还唔没生出来格小囡都有一套自家格房子了。
　　“有啥闲话好讲呢？真叫是憨人有憨福，侬看人家憨宝宝，别人结婚，凑钞票凑得五斤狠六斤，交关人家结婚还是租格房子，伊呢？勿要讲本来是农村老婆现在一记头变成了城市老婆，国家连到结婚房子才得伊拉准备好，格勿是叫老虫（老鼠）跌了油缸里，氽法氽法总归氽了油水里？”
　　“格就叫人比人气煞人，憨宝宝一记头小狗跌了污坑里，横吃竖吃还吃勿光坑里格污，活亟亟拿人气煞！倒插门女婿来勒农村里过去头还抬勿起来，现在变成城里人了，就唔啥讲究了，憨宝宝格步棋走得勿要太精怪噢！顶气人格是伊拉老婆还来得个漂亮，鲜花插到牛粪上啦！”
　　勿关哪能介，迭排里闲话是妒忌也好，是羡慕也好，大家来勒祝贺格同时，心里才有点挖煞——凭啥末事憨宝宝还好有格能噶出挑个老婆？当初想拿自家弱智亲眷介绍拨憨宝宝做老婆格同事，鼻头一捏，闷声勿响，除了自家吃进，还有啥好讲格呢？迭个憨宝宝格老婆，比厂里厢交关人格老婆才漂亮，外加是一个智力健全格人，当初自家勿晓得阿里根筋搭错了，以为自家还算是做了桩好事体，现在想起来，自家才是憨徒。真是人勿可貌相，憨宝宝绝对是厂里一个人才——就凭伊讨了一个格能噶格老婆，伊就可以比人家老卵！憨宝宝格名气更加响了，而且唔没一个人敢动一动吃伊拉老婆豆腐的念头，想想看，勿要看伊好像憨头憨脑，格一米八格个头，手臂廊厢一摒就凸起来格两块肌肉，啥人还敢动格种歪脑筋？
 1010 君临天下 1230325 2009-09-27 19:51:15 144 2 2 2 1 0 186 君临天下 f16dde00-1623-4f84-b7ae-8cee6a001849 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 22359 09-09-27 1 63 f16dde00-1623-4f84-b7ae-8cee6a001849 dc54864c-828d-429f-bca2-1fbcca4b5c8f 快速回复 　　　　　　上海闲话讲故事　市井百态（六）

　　小旋风披萨店吃好夜饭出来，已经夜里厢八点多了，肖亮璧刚刚想得竺莎茜告别，正巧碰到伊几个老主顾，得伊还是同乡，迭几个老主顾就招呼伊拉两家头一道再去喝茶，反正伊拉两家头还唔没啥事体，就一道到仙踪林去再坐坐。

　　苏北同乡碰到一道，格通法国闲话是讲得来刮辣松脆，还好竺莎茜一直得肖亮璧来往，虽然讲勿好法国闲话，不过听是老听得懂额。

　　“两个大美女，刚才在辣块吃饭？跟哦们一块喝（音huo）茶，不会跌你们身价吧？”刚刚坐下，一个肖亮璧的同乡先开口了，“肖经理，你们两勾喝什尼茶？自家（音gai）点吧，哦挺账！”
　　“没得关系！能够跟大哥（音go）们一道喝茶，是小妹的荣幸，谢谢（音xiaxia）还来不及捏，跌什尼身价？”肖亮璧接口令快得很。
　　“肖经理也不把哦们介绍哈子，啦勾妹妹怎尼称呼？”
　　“哦，啦勾妹妹是哦小学（音xia）中学里的同班同学，宁波（音linbo）人，姓竺，你们就叫她竺妹妹吧！你们喝什尼茶你们自家点，哦和哦的竺妹妹喝冻顶乌龙！”
　　几个人纷纷点好了自家要喝格茶，再点上几盘茶点，吃吃喝喝说说话，无非是生意场上格来往得市面上流传格小道新闻或者八卦。讲法讲法，肖亮璧得籽竺莎茜就讲起了自家两家头格悄悄闲话，而迭几个肖亮璧格苏北同乡还自管自讲账自家格生意事体，倒还两勿相扰。

　　迭个辰光，又进来了几个人，坐了伊拉后头格座位上，也是几个苏北人，迭个几个家伙讲闲话格叫粗啊！滴滴刮刮格全钢，外加高声大嗓，旁若无人格腔调，使得其他茶客才纷纷摇头，实在听勿下去了，只好离场，退避三舍。

　　“阿咦喂，筒子哥你来啦？该格早晨太阳从西边出来咯？你来喝茶，稀罕稀罕！”
　　“奇诡！这勾地方你把它包下（音ha）来勒，就你可（音ko）以来，哦就不能来？”
　　“什尼话？哦没得这尼大滴面子，也没得这尼多滴米，哦是包不下来滴，不过这勾地方档次还太低，不是你筒子哥该来滴地方，你应该是到打飞机的地方去！哈哈！！”
　　“打飞机？你这勾是恭维他勒！他末，最多是敲敲煤饼，他辣根木卵还可以打飞机？飞机打他还差不多！哈哈！！”
　　“平时不看到他来这种地方滴，那他平常每天做什尼？”
　　“上班，下（音ha）班，回家（音ga），洗澡，吃饭，喝酒，睡觉（音go），勒屄！还能做什尼？你以为他是啦勾？江泽民哪？有这尼多的国家大事要他关心？”
　　“哈哈哈哈！”
　　“俚们这些勾小猴虫，浪俚勾妈妈滴，俚们懂个屁？大字不识一个叉叉，勒屄不晓得洞在啦块，都在这块充什尼大爷（音yi）？哦入（音la）死俚勾亲妈！”
　　“好好好，都厉害，都是大爷，不谈了不谈了，喝茶！”

　　大概觉得虽然是苏北同乡，但这后面那群人实在太粗俗，肖亮璧和她那几个老主顾得籽竺莎茜才觉得面子上下勿落去，就让店家结账，一道离开了仙踪林。

　　“格几只江北猪猡，哪能嘎推板？来勒各种地方讲格种嘎闲话，真是拿上海人格台才坍光了！”另外几个刚刚得伊拉一道吃茶，也拨格几个后来格苏北人讲格闲话逼得离场格上海人忿忿勿平，一边离开一边讲，“才是拨这帮家伙弄坏脱格，像勿像解放前头格白相人？杜月笙假使晓得伊格徒子徒孙才是格副腔调，阿要弄口血吐吐？”
　　“捺讲啥？骂啥人江北猪猡？江北人哪能啦？踏着捺阿里根尾巴啦？”肖亮璧格老主顾其中之一听到了上面迭句闲话，突然冒起火来，搭上嘴，得几个上海人要寻相骂了。
“好了好了，大家出来白相，勿是为了来讨惹气格，才少讲两句，捺末勿要打击面太度，苏北人还勿是才勿好格，阿拉晓得捺其实勿是来勒讲阿拉，不过捺格能噶讲苏北人，苏北人是勿同意格！算了算了，大家勿要计较了，礼拜六夜里厢大家开开心心，有啥好吵格呢？”竺莎茜一看苗头勿对，赶快来勒边上打圆场。几个上海人勿响了，肖亮璧伊拉还就趁势落帆收蓬，大家分散离开，一场风波就此平息。
 1010 君临天下 1230325 2009-09-28 20:13:32 144 2 2 2 1 0 186 君临天下 f16dde00-1623-4f84-b7ae-8cee6a001849 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 22376 09-09-28 1 63 f16dde00-1623-4f84-b7ae-8cee6a001849 ab7bbf7b-a4c7-4529-abbb-1c96c1f3904e 快速回复 　　　　　　　　　　　上海闲话讲故事　市井百态（七）

　　前头讲到杭天健格憨宝宝名气越来越响，不过名气再响还逃勿过大气候变化，厂子倒闭，伊还一样成了下岗工人，拿格点点下岗工资。格段辰光伊勿要太郁闷噢！本来以上海城市集体企业正式员工格身份，讨农村格乡下老婆，来勒屋里厢总归讲是吃皇粮格有保障格，比起农村老婆，有蛮多格优越感，虽然讲同意当倒插门女婿有点嘎坍台，不过反正丈人丈母娘只有格能噶一个宝贝囡恩，名气衰点就衰点伐，只要实质上唔啥吃亏就好了。生产队里格田被征了，失田农民统统变成了城镇居民，老婆还因此拨街道里安排到一家还是集体性质格烟纸店里当营业员，格记头憨宝宝得籽老婆地位一样了，人家勿是还吃起皇粮来了？迭个本来才来勒伊格算计当中格，包括原来宅基地廊厢私房格拆迁补偿。不过伊千算万算，就是唔没算到伊拉自家格厂子要倒闭，伊自家下岗了，拿了一眼眼下岗工资，勿但勿能够养老婆，反而要叫伊拉老婆来养伊，格记头伊彻底憨脱！伊本来来勒厂里厢还不过是一个做做辅助工作格小工，唔没啥特别格技术，就是生得来熊腰虎背，有一把蛮力气，现在下岗了，一时头还寻勿着啥合适格工作，格段辰光伊真是抓狂得勿得了。不过有点噶人还是蛮幸灾乐祸格，特别是妒忌伊讨了个漂亮老婆格一点嘎家伙，碰到伊就嘲笑伊：“憨宝宝，侬现在开公司啦？当起荡吃公司经理了末！”杭天健真是恨勿得拿伊拉一把抓过来撕（音ca）个粉碎，但是伊现在的确硬勿起来，再讲毕竟是过去一道来勒厂里厢格同事，又勿好真格拿伊拉哪能，只好讪讪格苦笑笑：“勿要开我大兴了！再讲我要光火啦！”格点嘎人才是人精，晓得玩笑勿好开过头，伊真格发起脾气来，大家还是勿想得伊撕破面皮格，往往玩笑开到格搭还就刹车了。

　　过了唔没几天，还是伊拉老婆格单位帮忙，看伊一身蛮力，就叫伊帮忙，踏踏单位里送货格黄鱼车，勿算正式工，根据踏黄鱼车送格货色多少计件拨伊一点工资，外头人勿明就里，只当伊又有了正式工作，还私底下觉得伊蛮有本事，人家工作老难寻，来勒伊格搭好像随便啥事体才来得比别人家便当，只有伊自家心里晓得，这段辰光自家活得多少窝囊。

　　勿晓得真格是憨人有憨福，还是李白格“天生我材必有用”格句诗起了作用，总而言之，过了一段辰光，街道里正好组建市容监察队（就是城管格前身），想到了伊五大三粗，吸收进来倒勿错，到辰光收起违法乱摆格小摊头来，朝啦里搭一立，嘎度模子吓吓人家烂山芋还可以格。就格能，憨宝宝当上了市容监察队队员，当然还是协助格。不过灰皮子一穿，大盖帽一戴，自家也感觉神气了勿少。实事就是讲，其实市容监察队协管员日脚并勿好过，工作起来唔没一定辰光格，碰到啥个节日，或者上级部门要到啥个地方检查，突击起来更加唔没辰光，可以从早廊厢一直弄到夜快边，还可以从夜里六点钟弄到半夜里十一二点钟，夜排档，小摊贩，得伊拉打起游击来，个个才好像是拿毛老伯伯格《论持久战》学得深有心得格游击大师，侬来我逃，侬走我卖，互相通风报信，弄得伊拉邪气被动，吃力末吃力得要死，效果是只有一眼眼，难扳有辰光有几个摊贩来勿及逃，拨伊拉捉牢了，要没收伊拉格吃饭家什像台子矮凳火炉菜镬格排里格东西，往往要费九牛二虎之力，还勿一定收得脱。顶尴尬格辰光，就是碰到以前一爿厂里格下岗工人摆格摊头，憨宝宝就勿晓得哪能办才好。大家一爿厂里相处辰光勿少，感情总归有眼格，再讲了，伊拉还勿是因为下岗之后唔没饭吃，摆只摊头混口饭吃？自家得老婆小人肚皮饿了要吃，小人读书要米，开门七桩事体，唔没钞票哪能来事？

　　“做啥啦做啥啦？算侬穿了一身灰皮子了勿起啊？侬勿是还有过阿拉一样格日脚嘛？刚刚吃了几天饱饭，就想勿到阿拉还来勒饿肚皮？嘎凶神恶煞做啥？侬敢拿我摊头收脱，今朝夜里厢阿拉一家们就到捺屋里厢吃饭睏觉，勿相信侬就试试看！”碰到格能噶个脚色，憨宝宝大多数辰光是吃瘪格，只好放伊跑，当然还要放一句马后炮帮自家壮壮胆：“勿要再来勒格搭乱摆摊了噢，晓得伐？再拨我碰到，就对侬勿客气！”伊当然晓得即使再碰到，实际上还勿会对伊哪能嘎，人心才是肉做格呀！将心比心，啥人可以面孔一板，对过去格同事做得嘎绝？除非侬迭个家伙是冷血动物。到了后来，游击战打了辰光长了，大家还有点噶疲脱了，憨宝宝干脆来勒出动以前主动通知迭帮摆摊头格老兄，叫伊拉提前收摊，勿要到辰光大家尴尬，于是，大家相安无事。市容监察队出动格辰光，伊拉要去格地方清清爽爽，唔没人乱摆摊头，不过伊拉一走，摊头该哪能摆还是哪能摆，照样乱哄哄格，但是憨宝宝来勒格帮子小摊贩当中倒成了好人。“憨宝宝？格屄养子蛮上路格，下趟阿拉勿要添伊麻烦，接到通知就走，与人方便于己方便末！”因为迭个缘故，憨宝宝拉迭个市容监察队协管员拨人家投诉顶少，憨宝宝也来勒一趟趟出动当中门槛变得越来越精，后来竟而至于当上了模范协管员，当上了协管员格小队长、中队长，最后当上了大队长，而且据说讲勿远格将来可能改编之后可以享受准公务员格待遇，迭个肯定是伊去当协管队员之初想还勿敢想格，当然格个已经是伊当了协管队员十几年之后格后话了，辰光还已经来到了二十一世纪了。

　　顶顶弄勿懂格，就是市容监察队格上级领导，为啥体出动得越来越频繁，出动之后到地方一看唔没啥人乱摆摊，街廊厢还是清清爽爽格，应该讲是执行格力度蛮大了末，应该讲是执行格效果蛮好格末，格末哪能居民投诉乱摆摊格情况一点还唔没减少，反而还有增加格迹象？来勒伊拉格点嘎领导眼睛里，迭个始终是一个市容监察领域里格“哥德巴赫猜想”之谜！
 1010 君临天下 1230325 2009-09-29 17:53:38 144 2 2 2 1 0 186 君临天下 f16dde00-1623-4f84-b7ae-8cee6a001849 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 22391 09-09-29 1 63 00000000-0000-0000-0000-000000000000 f16dde00-1623-4f84-b7ae-8cee6a001849 [上海闲话讲故事]《市井百态.开场白》 　　　　　　　　　　　上海闲话讲故事　市井百态（开场白）

　　讲法讲法，迭句闲话讲起来就要追溯到老里百早了。三个男小顽，三个女小人，迭格辰光还才来勒读小学，外加才是一只班级里读书格。三个男小顽，杭天健，仇观才，巫晓华，三个女小人，肖亮璧，林梧晴，竺莎茜，格几个人年龄才差勿多，顶多推板几个号头，当然因为月生大小，有人就可以讲我比侬大一岁。杭天健拉姆妈生伊格辰光，年龄已经老大了，为了安胎保胎，保胎药吃得多着点，生下来格辰光稍微有点脑缺氧，不过还好迭格辰光医生老负责任格，立刻抢救，总算唔没弄到脑瘫，不过总归有点智力受到损伤，伊拉爷娘老来得子，欢喜得勿得了，来勒屋里厢总归勿叫伊名字，叫伊个昵称“宝宝”，后来大家才晓得了伊格小名，有两个捣蛋鬼（音ju）就拨伊起了个绰号“憨（音gang）宝宝”，到后来就干脆唔没人叫伊格名字了，“憨宝宝”一直叫到现在；仇观才老家来勒江西，抗战格辰光一家门逃难逃到上海，到了伊生出来格辰光，也已经是第三代了，上海闲话发音，仇发成chou，而勿发qiu(裘)，再加小人发音更加勿准，弄法弄法就变成shou了，捣蛋鬼也拨伊起了个绰号，“寿棺材”几乎跟了伊一生一世；巫晓华是崇明人，捣蛋鬼根据崇明闲话发音，干脆拨伊格绰号就是“乌小蟹（音ha）”；肖亮璧得籽林梧晴两家头才是江苏人，偏偏得籽竺莎茜迭个宁波小娘来得格要好，竺莎茜勒老娘一口贼骨铁硬格宁波闲话，就拿肖亮璧叫成了宁波腔调格“小娘屄”，拿林梧晴叫成了“林无情”，后头来到了二十世纪八十年代，林梧晴格“林无情”又勿晓得哪能会事体，拨大家叫成了“拎勿清”，迭格就是后话了。不过宁波小娘竺莎茜格绰号还唔没啥好，因为伊本来就脾气勿好，邪气欢喜作，人家就叫伊“作煞死（音xi）”。

　　刚刚小学毕业，还唔没考中学，文化大革命开始了，根据就近入学的原则，伊拉六家头又统统到了一只中学里厢，虽然勿来勒一只班里，不过菩萨还勿要问格，伊拉额绰号铁定是跟了伊拉一道到中学里厢，到了三年中学混出世，要上班了，想勿到毛老伯伯一声号召，大家统统上山下乡，到外省农村去插队落户，迭格六家头有到黑龙江军垦里格，有到安徽讨饭呱子格家乡，凤阳花鼓个老家凤阳去插队格，还有到回到江西老家插队格“寿棺材”。来勒农村得籽黑龙江军垦里混了靠十年，1979年，伊拉六家头又先后搞病退，返回了上海。回到了上海，又唔没啥个好工作等勒伊拉，最后才只好到街道里格集体企业混口饭吃。总而言之，伊拉迭六个人，好像每桩倒霉事体才碰到，生活得邪气勿如意，直到一个外头人加入伊拉格圈子，生活才开始有点变化，迭个外头人，就是毛西抗。毛西抗勒阿爷是当年山西青抗先格积极分子，伊拉爷娘生伊格辰光，阿爷起格名字，为了纪念自家当年参加山西青抗先，就拨伊起格名字叫毛西抗。上海人格捣蛋鬼到啥辰光才死勿光格，好事者就拨伊起了个绰号叫“茅屎坑”。

　　好了，几个主要角色格来龙去脉才交代清爽了，不过伊拉格市井故事还只有刚刚开始，大家拿耳朵汰汰清爽，好好叫听偶讲下去，勿想听格，拿耳朵捂起来，勿想看格，拿眼睛蒙起来，接下来开讲。
 1010 君临天下 1230325 2009-09-22 19:52:43 144 2 2 2 1 1 186 君临天下 f16dde00-1623-4f84-b7ae-8cee6a001849 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 22254 09-09-22 1