文峰笔会 1010 原创 0 1 00000000-0000-0000-0000-000000000000 e15fa8c6-f0be-478b-a779-a5000c16e566 [上海闲话讲故事]《市井百态（三十五）》 　　　　　　　　　　上海闲话讲故事　市井百态（三十五）

　　都说狡兔三窟，那是为了要躲避天敌老鹰或者是狼和狐狸，但若是人有了二三套住房，勿晓得能勿能够还归到狡兔三窟格范畴里厢，不过人拥有二三套房产，大概勿会得是要躲避天敌，因为人已经占据强势动物格顶高端，除非伊来勒外头招了冤家，要拨人家追杀，再会得像通缉犯格能东躲西藏。

　　寿棺材来勒金牛新村一套房子，不过从来唔没去蹲过，简单装修一记就一直出租拨人家，因为刚刚拿到房子格辰光地段还属于比较偏僻，交通还勿哪能噶方便，伊还就拿下来唔没准备自家去蹲，当时四十六七万拿下来，97个平米三房一厅一卫生，每平米五千元还勿到。后来地铁老啥才通车了，房价就像乘热气球一样飞升，现在已经翻了一番以上，超过了一百万。当年借拨人家，月租只有一千多元，现在租金还已经上升到了每个号头五千元，迭个靠十年下来，房价已经差勿多收回了，伊等于白捞了一套房子。

　　不过烦恼也就随之而产生了。今朝接到了小区物业格电话，讲是伊出租拨人家之后，租赁户现在当起了二房东，再拿伊格房子隔成了六只小间，群租拨一家K房老板当成员工宿舍，每只小间里才摆了四只双人床，四十八个人来勒里头吃喝拉撒睡，而且是男女混居，邻舍隔壁意见度了勿得了。格帮K房员工半夜三更下班，大声喧哗，汰浴睏觉，总归要弄到下半夜三点多眼再会太平，房间里厢龌龊得一天世界，啤酒瓶、方便面空碗掼得到处才是，简直就像一只垃圾桶。因为承租人从来唔没拖欠房租，而且是定期打到伊格银行卡廊厢，所以究竟有得多少辰光伊唔没到自家迭套房子里去看过，伊自家还记勿清爽了。

　　迭段辰光因为公司惨淡经营，伊还正好有点辰光，格天籽早廊厢伊就开了奥迪到金牛新村去了一趟。跑进去一看，伊真格是想勿落，好好叫一套房子拨人家弄得像狗窝，房间里厢简直唔没办法落脚。一脑门子火直冲囟门格寿棺材打电话拿承租户叫得来，夹头夹脑一顿臭骂，叫伊立马滚蛋。承租户反正手里厢有得租赁合同，迭个租赁合同还勿像现在格能对承租格人有得嘎许多限制，所以勿阴勿阳格得伊讲，到租期满了，我自然会得搬出去，现在租期唔没到，侬要我立马滚蛋，就要付我违约金得籽我格其他损失。秀才碰到兵，有理讲勿清，再讲伊是一家头，蹲了伊房间里格，除了承租客，还有一帮子K房里格员工，男格才模子老结棍格，像煞一班杀坯，看到伊拉吵相骂，才围上来了，明显看出来才是帮伊格承租户格，寿棺材唔没方向了。因为是老租户，迭套房子已经连续租了四五年了，每年续租一趟，离租期届满还有九个多号头，承租户是每年一次性付清全年格租费，迭个还是寿棺材愿意借拨伊格道理之一，想想一记头要拿出四五万元格承租费，还要赔上伊格违约金等等损失，寿棺材就有点嘎举棋勿定了。伊来勒房间里仔细看了一遍，还好看到房间格基本结构唔没动过，格承租户只是简单格用TK板得木头方子拿原来格房间做了隔断，一旦要恢复原状，并勿是老困难格。伊心里厢有了底，喉咙还就胖起来了：“现在市里厢来勒整顿群租侬晓得伐？我拿房子借拨侬，唔没让侬去做二房东，还唔没让侬群租拨人家对伐？啥个租赁合同？侬自家先违约，还要我付侬违约金？阿是头睏扁了是伐？”
　　“朋友侬帮帮忙！侬自家眼睛睁睁度，看看叫格是侬自家签格租赁合同伐？上头阿里有过我勿好当二房东、勿好群租拨人家格条款？我从来唔没欠过侬一分洋钿格房租，还从来唔没推迟一天拿钞票打到侬卡廊厢，够上路了伐？物业得我有啥关系啦？伊拉好得侬讲闲话，侬欠伊拉啥末事伐？邻居有意见，侬只当勿听见，管侬收侬格租金，勿是一眼事体还唔没啦？”
　　“格末房子是侬租拨伊拉格，叫伊拉每天夜里回来声音轻点，房间里弄得清爽点总归可以伐？物业一日到夜打电话来，我勿要拨伊拉烦煞啊？再讲了，好好叫格房间拨侬弄得格副腔调，我勿租拨侬了又哪能啦？侬去打听打听，阿拉是做啥生活格？我叫公司里一帮泥水匠来一趟，两个钟头统统摆平，拿伊拉统统掼了马路廊厢，看侬再嘴巴老！”
　　“好了好了，朋友侬还勿要摆出来一副要吃人格腔调，我勿是拨人家吓度格，千里做官只为财，阿拉还就是赚点嘎辛苦铜钿，又唔没拿侬房子弄坏脱，大家退一步海阔天空，我叫伊拉轻一点，房间里厢弄弄清爽，侬末就等到租期满了再收回房子，大家好合好散，侬看那能？”
　　就像欠债格人比放债格人凶一样，立了放债跪了讨债迭句闲话大家才是深有体会格，房子唔没借拨伊格辰光是侬凶，借拨伊了就是伊凶。作为房东格寿棺材，来勒作为承租户还作为二房东格家伙面前，伊还唔啥好格办法，至少是来勒眼门前。伊还只好落帆收蓬，打道回府。

　　回到公司，寿棺材随便哪能还是想勿落，得大家一讲，下属们纷纷帮伊出主意，当然有人是真心诚意格，还有人就纯粹是拍马屁。不过一致格意见是，借市里厢煞群租风格东风，拿迭格租客赶走。凭借寿棺材来勒十几靠廿年得各种政府部门打交道积累下来格人脉，动用了各种关系，终于提前将近六个号头拿迭套房子收了回来，除了退拨伊六个月格租金之外，啥个其他补偿还唔没。看到陪同寿棺材到现场来格强力机构工作人员，承租客晓得今朝钉头碰到铁头了，伊勿敢耍野，只好接受了既成事实，彻底瘪脱，乖乖格解除了承租合同。寿棺材还从中吸取了应有格教训，格就是今后出租房子，一定要经过房产中介，订立规范格制式合同，格能就可以避免今后再发生诸如此类格事体了。
1010 君临天下 1230325 2009-10-29 19:36:09 144 2 2 2 1 1 186 君临天下 e15fa8c6-f0be-478b-a779-a5000c16e566 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 23024 09-10-29 1 1 00000000-0000-0000-0000-000000000000 e15fa8c6-f0be-478b-a779-a5000c16e566 [上海闲话讲故事]《市井百态（三十五）》 　　　　　　　　　　上海闲话讲故事　市井百态（三十五）

　　都说狡兔三窟，那是为了要躲避天敌老鹰或者是狼和狐狸，但若是人有了二三套住房，勿晓得能勿能够还归到狡兔三窟格范畴里厢，不过人拥有二三套房产，大概勿会得是要躲避天敌，因为人已经占据强势动物格顶高端，除非伊来勒外头招了冤家，要拨人家追杀，再会得像通缉犯格能东躲西藏。

　　寿棺材来勒金牛新村一套房子，不过从来唔没去蹲过，简单装修一记就一直出租拨人家，因为刚刚拿到房子格辰光地段还属于比较偏僻，交通还勿哪能噶方便，伊还就拿下来唔没准备自家去蹲，当时四十六七万拿下来，97个平米三房一厅一卫生，每平米五千元还勿到。后来地铁老啥才通车了，房价就像乘热气球一样飞升，现在已经翻了一番以上，超过了一百万。当年借拨人家，月租只有一千多元，现在租金还已经上升到了每个号头五千元，迭个靠十年下来，房价已经差勿多收回了，伊等于白捞了一套房子。

　　不过烦恼也就随之而产生了。今朝接到了小区物业格电话，讲是伊出租拨人家之后，租赁户现在当起了二房东，再拿伊格房子隔成了六只小间，群租拨一家K房老板当成员工宿舍，每只小间里才摆了四只双人床，四十八个人来勒里头吃喝拉撒睡，而且是男女混居，邻舍隔壁意见度了勿得了。格帮K房员工半夜三更下班，大声喧哗，汰浴睏觉，总归要弄到下半夜三点多眼再会太平，房间里厢龌龊得一天世界，啤酒瓶、方便面空碗掼得到处才是，简直就像一只垃圾桶。因为承租人从来唔没拖欠房租，而且是定期打到伊格银行卡廊厢，所以究竟有得多少辰光伊唔没到自家迭套房子里去看过，伊自家还记勿清爽了。

　　迭段辰光因为公司惨淡经营，伊还正好有点辰光，格天籽早廊厢伊就开了奥迪到金牛新村去了一趟。跑进去一看，伊真格是想勿落，好好叫一套房子拨人家弄得像狗窝，房间里厢简直唔没办法落脚。一脑门子火直冲囟门格寿棺材打电话拿承租户叫得来，夹头夹脑一顿臭骂，叫伊立马滚蛋。承租户反正手里厢有得租赁合同，迭个租赁合同还勿像现在格能对承租格人有得嘎许多限制，所以勿阴勿阳格得伊讲，到租期满了，我自然会得搬出去，现在租期唔没到，侬要我立马滚蛋，就要付我违约金得籽我格其他损失。秀才碰到兵，有理讲勿清，再讲伊是一家头，蹲了伊房间里格，除了承租客，还有一帮子K房里格员工，男格才模子老结棍格，像煞一班杀坯，看到伊拉吵相骂，才围上来了，明显看出来才是帮伊格承租户格，寿棺材唔没方向了。因为是老租户，迭套房子已经连续租了四五年了，每年续租一趟，离租期届满还有九个多号头，承租户是每年一次性付清全年格租费，迭个还是寿棺材愿意借拨伊格道理之一，想想一记头要拿出四五万元格承租费，还要赔上伊格违约金等等损失，寿棺材就有点嘎举棋勿定了。伊来勒房间里仔细看了一遍，还好看到房间格基本结构唔没动过，格承租户只是简单格用TK板得木头方子拿原来格房间做了隔断，一旦要恢复原状，并勿是老困难格。伊心里厢有了底，喉咙还就胖起来了：“现在市里厢来勒整顿群租侬晓得伐？我拿房子借拨侬，唔没让侬去做二房东，还唔没让侬群租拨人家对伐？啥个租赁合同？侬自家先违约，还要我付侬违约金？阿是头睏扁了是伐？”
　　“朋友侬帮帮忙！侬自家眼睛睁睁度，看看叫格是侬自家签格租赁合同伐？上头阿里有过我勿好当二房东、勿好群租拨人家格条款？我从来唔没欠过侬一分洋钿格房租，还从来唔没推迟一天拿钞票打到侬卡廊厢，够上路了伐？物业得我有啥关系啦？伊拉好得侬讲闲话，侬欠伊拉啥末事伐？邻居有意见，侬只当勿听见，管侬收侬格租金，勿是一眼事体还唔没啦？”
　　“格末房子是侬租拨伊拉格，叫伊拉每天夜里回来声音轻点，房间里弄得清爽点总归可以伐？物业一日到夜打电话来，我勿要拨伊拉烦煞啊？再讲了，好好叫格房间拨侬弄得格副腔调，我勿租拨侬了又哪能啦？侬去打听打听，阿拉是做啥生活格？我叫公司里一帮泥水匠来一趟，两个钟头统统摆平，拿伊拉统统掼了马路廊厢，看侬再嘴巴老！”
　　“好了好了，朋友侬还勿要摆出来一副要吃人格腔调，我勿是拨人家吓度格，千里做官只为财，阿拉还就是赚点嘎辛苦铜钿，又唔没拿侬房子弄坏脱，大家退一步海阔天空，我叫伊拉轻一点，房间里厢弄弄清爽，侬末就等到租期满了再收回房子，大家好合好散，侬看那能？”
　　就像欠债格人比放债格人凶一样，立了放债跪了讨债迭句闲话大家才是深有体会格，房子唔没借拨伊格辰光是侬凶，借拨伊了就是伊凶。作为房东格寿棺材，来勒作为承租户还作为二房东格家伙面前，伊还唔啥好格办法，至少是来勒眼门前。伊还只好落帆收蓬，打道回府。

　　回到公司，寿棺材随便哪能还是想勿落，得大家一讲，下属们纷纷帮伊出主意，当然有人是真心诚意格，还有人就纯粹是拍马屁。不过一致格意见是，借市里厢煞群租风格东风，拿迭格租客赶走。凭借寿棺材来勒十几靠廿年得各种政府部门打交道积累下来格人脉，动用了各种关系，终于提前将近六个号头拿迭套房子收了回来，除了退拨伊六个月格租金之外，啥个其他补偿还唔没。看到陪同寿棺材到现场来格强力机构工作人员，承租客晓得今朝钉头碰到铁头了，伊勿敢耍野，只好接受了既成事实，彻底瘪脱，乖乖格解除了承租合同。寿棺材还从中吸取了应有格教训，格就是今后出租房子，一定要经过房产中介，订立规范格制式合同，格能就可以避免今后再发生诸如此类格事体了。
1010 君临天下 1230325 2009-10-29 19:36:09 144 2 2 2 1 1 186 君临天下 e15fa8c6-f0be-478b-a779-a5000c16e566 0 Petit a petit,l'oiseau fait son nid. 滴水汇海，聚沙成塔。知识积累，我永取此态。 05-07-02 国士无双 0 23024 09-10-29 1